Sejarah Berdirinya Desa Ringinharjo

ADEKING DESO RINGINHARJO.

Oleh : Mbah Bedjo

Dununge desa Ringinharjo ono ing sak lor kuto kecamatan Gubug, sing adohe kiro-kiro 10 kilometer. Miturut data tahun 2013, deso sing ambane 3,58 kilometer persegi kabagi dadi 24 Rt lan 6 Rw kanti jumlah wargo ono 3437 jiwo. Miturut crito, deso Ringinharjo lan Ringinkidul kuwi biyen dadi siji, lan dening Ki Prawirokusumo banjur diparingi jeneng dukuh Ringin. Kanggo cetaning crito, ayo podo nyemak adeking deso Ringinharjo iki.     

DUKUH ING PINGGIR KALI.
Deso Ringinharjo lan Ringin Kidul kuwi, biyen  dadi siji sak dukuh sing jenenge dukuh Ringin. Deso Ringinharjo sing sak durunge karan dukuh Ringin Lor, dununge ono ing perenging kali Tuntang, sing wektu kuwi kanggo liwat wargo sing tindakan menyang tlatah Salatiga lan sak walike. Bab kuwi kabukten rikolo tahun 1960an, ono wargo deso Ringinharjo nemokake prau sing kependem ono njero lemah, naliko lagi nduduk  pekarangane sing arep digawe sumur. Bareng wis diduduk kabeh, lagi podo ngerti yen kuwi prau mengkurep, sing ngisore akeh pecahan kenteng. Dibantu dening tonggo teparo, prau mau banjur diangkat lan digunakke kanggo nambahi kayu sing arep dienggo gawe bale deso.
Miturut critane poro sepuh, jare biyen ono perahu ngangkut kenteng sing arep digowo menyang  daerah Salatiga. Naliko tekan ing dukuh Ringin Lor, ndadak weruh ono wargo kono nanggap tayub. Poro tukang prau banjur mandek, sing sak perlu arep podo nayub. Naliko poro tukang prau lagi podo nayub, ora ngerti yen kali Tuntang banjir gede. Mulo naliko poro tukang perahu bali menyang pinggir kali, lagi podo ngerti yen praune kerem ono kali Tuntang.

DADINE DUKUH RINGIN.
Miturut critane wargo, sing adek dukuh Ringinharjo kuwi biyen Ki Prawirokusumosoko soko tlatah Demak. Pancen panjenengane kuwi prajurit kraton Surokarto, sing ngawal lan njogo Pangeran Puger rikolo dadi Adipati ono ing  Demak. Mergo rumongso wis tuwo, mulo Ki Prawirokusumo banjur nyuwun leren anggone dadi prajurit, lan kepingin dadi wong tani. Nyi Asli garwane lan putrane sing asmo Go Suto dan Go Drono, diajak golek papan sing biso didadekake sawah lan tegalan. Kanti numpak perahu lewat kali Tuntang, keluwargo mau golek papan koyo sing dikersakke. Ono ing sawijining papan, rombongan keluwargo mau mandeg lan sak banjure dunung ono ing papan kono. Mergo papan kono pancen subur, mulo akeh poro wargo sing melu dunung, saenggo dadi pedukuhan sing rejo. Dening Ki Prawirokusumo sing dadi tetuwaning dukuh, pedukuhan kono dijenengake RINGIN. Jeneng mau soko anane wit ringin gede, sing tukul ono ing tengah-tengahing dukuh.
Ing sawijining wektu, Ki Prawirokusumo rumongso wis ora kuwagang meneh dadi tetuwaning dukuh. Panjenengane banjur mundur,  lan nunjuk putrane mbarep ngganteni. Nanging putrane sing asmo Go Drono ugo kepingin dadi tetuwaning dukuh, mulo panjenengane banjur mbagi dukuh Ringin dadi rong panggonan kanti wit ringen gede kuwi sing dadi tapel wates. Go Suto putrane diutus mimpin dukuh Ringin sisih lor sing banjur kaceluk Ringin Lor. Dene Go Drono diutus mimpin dukuh Ringin sisih kidul, sing sak banjure karan dukuh  Ringin Kidul.
Miturut crito, sakwise masrahke pimpinan dukuh marang putra-putrane, Ki Prawirokusumo banjur jengkar soko pedukuhan Ringin lan ora ono sing ngerti menyang ngendi parane.

PETILASAN/KUBUR ING RINGINHARJO.
Naliko Nyi Asli yo garwane Ki Prawirokusumo sedo, disarekake ono ing dukuh Pilang Lor kono, sing mapan ono ing pinggir tanggul kali Tuntang. Mengkono ugo naliko Go Suto sing dadi tetuwaning dukuh sedo, ugo disarekake ono dukuh Ringin Lor, utowo sing saiki karan dukuh Gayas. Wargo deso Ringinharjo saiki, saben wulan Suro podo ziarah ono pesareyane Nyai Asli lan Go Suto. Sak liyani ngurmati piyayi loro minongko sesepuh deso Ringinharjo, ugo nyuwun marang Alloh supoyo deso Ringinharjo tansah pinaringan aman lan tentrem.

MAKAM SINGLON.
Menowo ing Ringinharjo ono pesareyane Nyai Asli karo putrane sing asmo Go Suto, lha banjur pesareyane Ki Prawirokusumo ono ngendi. Ing nduwur wis disebutke, sakwise masrahake dukuh Ringin marang putrane, panjenengane banjur tindak kanti ora ono sing ngerti panggonane. 
Nanging ing dukuh Gambang deso Ringinkidul saiki, ono punden sing dianggep kramat dening wargo kono. Wargo nerangke yen punden kuwi minongko pesareyan, yo sing adek deso Ringinkidul biyene. Nanging juru kunci punden kono nerangake, yen punden kuwi sak benere panggonan ngubur ikete Ki Prawirokusumo. Kanti nyimak riwayat sing ono, opo punden kuwi ora pesareyane Ki Prawirokusumo. Bab kuwi kanti landesan anane kapercayan wargo kono, yen punden kasebut pesareyane sing adek deso Ringinkidul biyene. Menowo juru kunci nyebutake yen kuwi panggonan ngubur ikete Ki Prawirokusumo, biso ugo kuwi kuburan singlon. Teges kuburan singlon yo kuwi kuburan apus-apus, supoyo wong-wong podo ora ngerti endi kuburan sing bener. Perlu dimangerteni, yen biyen akeh pesareyane poro tokoh sing diwadekake, supoyo ora didudah lan dijupuk kanggo tumbal.

Sejarah Berdirinya Kabupaten Grobogan

ADEKE KABUPATEN GROBOGAN

Oleh : Mbah Bedjo

Hari Jadi Kabupaten Grobogan jatuh pada hari Senin, 21 Jumadilakir, 1650 atau 4 Maret 1726. Pada saat itu Susuhunan Amangkurat IV mengangkat seorang abdi yang berjasa kepada Sunan, bernama Ng. Wongsodipo menjadi Bupati Monconegari Grobogan dengan nama RT Martopuro. Dalam pengangkatan ini ditetapkan pula wilayah yang menjadi daerah kekuasaannya, ialah ditetapkan pula wilayah yang menjadi daerah kekuasaannya, ialah Sela, Teras, Karas, Wirosari, Santenan, Grobogan, dan beberapa daerah di Sukowati bagian Utara Bengawan Sala. (Babad Pecinan : 172-174). Oleh karena Kota Kartosuro pada waktu itu sedang dalam keadaan kacau, maka RT Martopuro masih tetap di Kartosuro, sedang pengawasan daerah Grobogan diserahkan kemenakan sekaligus menantunya RT Suryonegoro (Suwandi), yang bertugas menciptakan struktur pemerintahan Kabupaten Pangreh Praja.
Penataan administrasi wilayah sudah barang tentu dilakukan secara bertahap dan baru pada masa pembentukan Kabupaten Pangreh Praja (1847) sistem administrasi Kabupaten sudah boleh dikatakan mendekati sempurna, seperti Kabupaten Daerah Tingkat II sekarang. Di samping itu Adipati Puger atau RT Martopuro menjabat Bupati Grobogan sampai meninggalnya (1753), dan digantik menantunya RT Suryonagoro dengan gelarnya RT Yudonagoro.
Dari penjelasan di atas, tanggal 4 Maret 1726 ditetapkan sebagai Hari Jadi Kabupaten Grobogan, karena telah memiliki perangkat yang diisyaratkan dengan adanya wilayah, rakyat, dan pemerintahan, walaupun belum sempurna.

a.   Pada waktu ibukota Kabupaten menetap di Kota Grobogan
Adipati Martopuro atau Adipati Puger : 1726 -
RT. Suryonagoro Suwandi atau RT. Yudonagoro.
RT. Kartodirjo : 1761 - 1768, pindahan dari
RT. Yudonagoro : 1768 - 1775. Kemudian
R. Ng. Sorokerti atau RT. Abinarong
RT. Yudokerti atau Abinarong II : 1787 - 1795.
RM. T. Sutoyudo : 1795 - 1801.
RT. Kartoyudo : 1801 - 1815.
RT. Sosronagoro I : 1815 - 1840.
RT. Sosronagoro II : 1840 - 1864.

Menurut data yang ada Kabupaten Grobogan dengan ibu kota Grobogan pindah ke kota Purwodadi terjadi pada Tahun 1864. Peristiwa ini hanyalah merupakan perpindahan pusat pemerintahan Kabupaten Grobogan, jadi tidak terjadi perubahan status daerah.

b.  Setelah ibukota Kabupaten menetap di Kota Purwodadi Tahun 1864.
Adipati Martonagoro : 1864 - 1875.
RM. Adipati Ario Yudonagoro : 1875 - 1902.
RM. Adipati Ario Haryokusumo : 1902 - 1908.
Pangeran Ario Sunarto : 1908 - 1933, Pencipta Trilogi Pedesaan yaitu di desa-desa harus ada Sekolah Dasar, Balai Desa, dan Lumbung Desa.
R. Adipati Ario Sukarman Martohadinegoro : 1933 - 1944.
R. Sugeng : 1944 - 1946.
R. Kaseno : 1946 -1948. Bupati merangkap ketua KNI.
M. Prawoto Sudibyo : 1948 - 1949.
R. Subroto : 1949 - 1950.
R. Sadono : 1950 - 1954.
Haji Andi Patopoi : 1954 - 1957. Bupati Kepala Daerah.
H. Abdul Hamid sebagai Pejabat Bupati dan Ruslan sebagai Kepala Daerah yang memerintah sama-sama; 1957-1958.
R. Upoyo Prawirodilogo, Bupati Kepala Daerah merangkap Ketua DPRDGR 1958 - 1964. Bupati inilah yang memprakarsai pembangunan monumen obor Ganefo I di Mrapen.
Supangkat; Bupati Kepala Daerah merangkap Ketua DPRGR : 1964 - 1967.
R. Marjaban, Pejabat Bupati Kepala Daerah : 1967 - 1970.
R. Umar Khasan, Pejabat Bupati Kepala Daerah : 1970 - 197
Kolonel Inf. H. Soegiri, Bupati Kepala Daerah : 11 Juli 1974 - 11 Maret 1986.
Kolonel H. Mulyono US : Bupati Kepala Daerah : 11 Maret 1986 - 11 Maret 1996.
Kolonel Inf. T. Soewito , Bupati Kepala Daerah : 11 Maret 1996 - 2001
Agus Supriyanto,SE-H.Bambang Pudjiono,SH 11 Maret 2001 - 2006
H.Bambang Pudjiono,SH-H.Icek Baskoro,SH 2006 – 2016.
Sri Sumarni, 2016 - sekarang

IBU SUNDARI Dalang Perempuan Asli Grobogan

RIWAYAT IBU SUNDARI DALANG PUTRI.

Oleh : Mbah Bedjo

Kabupaten Grobogan tau duwe dalang putri, asli soko deso Gedangan melu wayah kecamatan Wirosari. Asmane ibu Sundari, naliko jaman moncere dadi dalang mbiyen sering diaturi kanti asmo dalang Ndari. Yo panjenengane kuwi siji-sijine dalang putri, sing melu ngregengake jagating pewayangan ing wilayah kabupaten Grobogan. Bareng ibu Sundari mundur soko pedalangan, koq ora ono piyayi putri liyane sing ngganteni. Kanggo mangerteni riwayate dalang Ndari kasebut, monggo tak aturi maos crito iki.

IBU GURU SING SENENG NDALANG.
Ibu Sundari kuwi guru Sekolah Dasar, sing wiwit mulang rikolo taun 1961. Panjenengane asli soko deso Gedangan, melu wilayah kecamatan Wirosari kabupaten Grobogan. Sakwise lulus soko Sekolah Guru ono kuto Solo, banjur oleh tugas mulang ono ing kecamatan Gubug.
Yo krono sekolah ono Solo kuwi, ibu Sundari seneng nonton wayang wong utowo wayang kulit, sing asring pentas ono taman Sriwedari. Kejobo kuwi panjenengane ugo seneng banget mirengke siaran wayang kulit, gending Jowo lan tetembangan soko radio RRI Surokarto. Mulo bareng dadi guru, panjenengane seneng paring wulang lelagon tembang Jowo marang poro muride. Kejobo kuwi ugo seneng crito bab wayang, utamane riwayat poro rojo utowo perang Brotoyudo.
Kegiyatane ibu Sundari saben dino minggu, nderek latihan gamelan karo kanca-kancane guru, sing manggon ono ing kantor Binsarpralub Gubug (saiki ngono kantor UPTD Pendidikan).
Pakumpulan gamelan poro guru ing Gubug kuwi, podo sarujuk lan diparingi jeneng "Sapta Usaha Tama".
Ono pakumpulan mau, panjenengane akrab karo bapak Rustam sing ugo guru SD, lan kagungan kasenengan bab wayang lan gamelan. Kalorone ugo duwe pepinginan, ngepyakke wayang diiringi niyogo poro guru ing kecamatan Gubug. Mulo saben wanci sore utowo sak tengahing wengi, ibu Siti Sundari asring latihan suluk utowo medar onto wecono salah sijining ratu utowo kraton. Malah tau telung ndino telung mbengi, panjenengane poso ngebleng ono ing sak jroning kamar sing ditutup rapet. Kuwi kabeh yo mung betek-beteke, supoyo pepinginane mau enggal biso kaleksanan.
Nanging rikolo tahun 1966, panjenengane kepekso kondur menyang Gedangan Wirosari, amargo bapake sedo lan ibune sing wis sepuh ora ono sing ngancani. Mengkono ugo anggone mulang ugo pindah, ono ing Sekolah Dasar sak cedake kantor kecamatan Wirosari.
Ora suwe panjenengane kromo, karo anggota TNI asmo bapak Suwito. Pancen podo senenge bab kabudayan Jowo, mulo bapak Suwito ugo paring wektu sing jembar marang ibu Sundari kanggo ngembangke kasenengane. Nganti ing  sawijining dino, ono tonggo sing duwe gawe lan nyuwun supoyo ibu Sundari sing ndalang. Yo wiwit soko kuwi, panjenengane kerep pentas nganti tekan ing liyo daerah.
   

KENO GODA.
Pancen yen lagi kondang, mesti ono wae sing meri. Mulo nuju sawijining dino, panjenengane ditanggap dening wargo ono daerah wetan Purwodadi. Amargo soko getok tular yen dalange ibu Sundari, mesti wae poro tamu lan ugo penontone kebak utamane poro ibu-ibu. Yo sing koyo ngene iki, dadi nambah semangate ibu Sundari anggone ndalang.
Naliko sak tengahing wengi bubar nyuguhake goro-goro, ndadak panjenengane kroso arep "pipis" sing ora biso diampet. Sakwise mbisiki marang pembantu dalang, panjenengane banjur nancepake gunungan lan banjur menyat nuju menyang mburi. Sakwise kuwi panjenengane banjur mapan meneh, lan sak durunge neruske lakon matur opo anane marang poro rawuh lan penonton. Kabeh poro rawuh lan penonton podo welas, lan getem-getem marang sing tumindak nggoda kuwi.

MUNDUR SOKO JAGATE PEDALANGAN.
Rikolo tahun 1980 bapak Suwito kepilih dadi Kepala Desa Gedangan, saenggo kanggo kesibukane ibu Sundari mesti wae yo tambah. Pancen anggone ndalang ngono mung wanci bengi, dene yen wanci esuk mesti wae kudu ngleksanakke tugas mulang poro murid. Bareng dadi ibu lurah, kanti abot panjenengane leren anggone ndalang. Panjenengane rumongso ora biso ngayahi, sing kudu ngurusi PKK lan kegiatan ibu-ibu ono ing deso.
Nanging bakat lan kabisan ono ing pedalangan, tetep ditularke marang poro murid ing sekolahan. Mulo saben ono lomba mocopat utowo geguritan ing kabupaten Grobogan, kanggo kecamatan Wirosari mesti nggondol juwara nomer siji.       

Nuwun.

Sejarah Masuknya Motor Udug ke tanah Jawa

SEJARAH MONTOR UDUG.

Oleh : Mbah Bedjo

Dijenengke montor udug, mergo swarane sing udug-udug banter banget. Yen saiki ngono sing karan motor "jadul", mergo motor kuwi digawe tahun seketan. Wangune gede lan ketok abot, yen dibandingke motor gaweyan Jepang saiki. Tahun 80-90an motor udug kasebut jan blas ora ono sing seneng, paribasane diwenehi wae yo bakal nolak. Nanging tahun 2000 munggah akeh wargo sing podo golek, mbok yo rego piro wae mesti bakal dibayar. Malah ono sing crito, yen rego montor udug kuwi saiki tikel lorone motor gaweyan Jepang. Yo amargo wae pabrike wis tutup, lan sepeda montor kuwi dianggep barang antik. Kanggo mangerteni riwayat montor udug kuwi, ayo podo moco critane iki.

OPO TO MONTOR UDUG KUWI.
Sing diarani montor udug kuwi mbiyen, sepeda motor gawean negoro Jerman, Amerika utowo Eropa. Werno-werno merk montor udug kuwi, ono Norton, AJS, BMW, Harley Davidson lan liyo-liyane. Sepeda motor kuwi racake, nduweni wangun lan CC gede. Knalpote dowo, saenggo yen ditumpaki swarane udug-udug. Yo soko sworo kuwi mau, sing banjur akeh sing ngarani montor udug.
Akeh-akehe sing podo kagungan, mesti piyayi sugih utowo lurah. Pancen yen numpak montor kuwi, jan ketok gagah lan merbawani tenan. Yen montor udug mau lewat, soko kadohan wis keprungu swarane sing banter lan manteb. Wong-wong banjur podo metu soko ndalem, mung kepingin ngerti lewate montor udug mau. Yen montor udug mau wis lewat, bocah-bocah cilik podo cungar-cungir irunge ngambungi asep sing metu soko knalpot. Malah-malah tipete ban wae banjur didulit, banjur diambung sing jarene ambune wangi. 

MONTOR UDUG MLEBU TANAH JOWO.
Motor udug kuwi mlebu sepisanan ono tanah Jowo, rikolo tahun 1893. Rikolo kuwi JOHN C. POTTER wong soko Inggris, kerjo dadi masinis ono ing pabrik gulo Oemboel Probolinggo, Jawa Timur. Amargo papan panggonane sing sepi, deweke banjur duwe pepinginan tuku sepeda montor, arep ditumpaki mubeng deso koyo sing dilakoni ono ing negarane. Pancen jaman kuwi yo wis ono sepeda motor lan mobil sing lewat ono ndalan, nanging sing numpaki poro tentara Walondo sing tujuane kanggo perang. Dene kanggo masyarakat umum, babar blas ora ono sing duwe.
Ora koyo saiki, mung nggowo DP karo foto copy KTP wae, bareng mulih wis biso numpak sepeda motor anyar. Jaman biyen John C. Potter kudu pesen dewe ono pabrike Hildebrand und Wolfmüller, sing manggon ono ing kuto Muenchen Jerman. Malah ugo ono crito sing nyebutke, Sunan Surakarta ugo titip marang  deweke supoyo nukokke mobil ono ing Eropa. Dadi wektu kuwi ing tanah Jowo, yo mung ono sepeda motor siji merk Reitwagen duweke John C. Potter, lan mobil siji merk Benz tipe Carl Benz kagungane Sunan Kartosuro.

RIWAYAT GAWE MOTOR UDUG.
Miturut crito sing ono, jare sepeda montor sing arep didol marang masyarakat umum dirancang rikolo tahun 1885. Dene sing ngrancang sepeda montor sepisanan, yo kuwi Gottlieb Daimler dan Wilhelm Maybach wong Jerman. Sakwise nganakke percobaan-percobaan, lagi tahun 1893 wiwit digawe dening pabrike sing karan Hildebrand und Wolfmüller ing kuto Muenchen, Jerman. Jarene yo sepeda motor sing dituku John C. Potter kuwi, sepeda motor sepisanan sing digawe dening pabrik kasebut.
Sepeda Motor Reitwagen duweke John C. Potter kuwi ora nganggo rante, nanging nganggo kruk as (crankshaft). Mesine gede 1500 cc, ora nggunakke aki (accu) lan ugo ora ono lampune. Dadi yen mlaku bengi yo nganggo ting koco, sing njerone diwenehi uplik.
Malah tahun 1895 negoro Amerika Serikat lagi ngerti, yen negoro Jerman biso gawe sepeda motor. Critane rikolo kuwi ono wong Jerman main sirkus ono ing Amerika Serikat, kanti nggowo sepeda motor merk Reitwagen gaweyan negarane mau. Akeh wargo Amerika Serikat sing kepiingin duwe, mulo banjur podo pesen menyang pabrike ing Jerman. Yo wiwit tahun kuwi, wargo masyarakat umum ing Amerika Serikat podo numpak sepeda motor. 

MLEBU MUSEUM.
Rikolo tahun 1932, sepeda motor duweke John C Potter mau ditemokke ono garasi omah ing pabrik gulo Probolinggo, sing mbiyen tau dipanggoni dening John C Potter. Sepeda motor kuwi ndongkrok 40 tahun lawase, lan wis ora biso mlaku meneh. Kanti bantuan soko montir Marinir ing Suroboyo, sepeda motor mau banjur didandani koyo asline, sing banjur disimpen ono kantor redaksi mingguan De Motor. Sak banjure sepeda motor mau diboyong menyang museum Lalu Lintas (Museum Polisi) ono kuto Suroboyo. Tahun 1934 sepeda motor duweke John C Potter disumbangke menyang Museum Negeri Mpu Tantular ing kuto Sidoarjo kanti diwenehi nomer inventaris 10.81 kategori IPTEK.

Nuwun.

Sejarah Pasar Hewan Kliwon Wirosari (terbesar se Jawa Tengah)

RIWAYAT PASAR KLIWONAN WIROSARI.

Oleh : Mbah Bedjo

Jenenge wae pasar Kliwonan, yo mesti wae anane pasar yen wanci pasaran Kliwon. Banjur opo sing didol ono pasar kasebut. Sing didol ono kono ora sembilan bahan pokok, nanging mligi kanggo dol tinuku sapi. Mulo ono sing nyebutke, yen papan kono karan pasar sapi Kliwonan.
Ing kabupaten Grobogan ono pasar kewan telu, yo kuwi pasar kewan Ketitang Godong, pasar kewan Danyang Purwodadi, lan pasar kewan Kliwonan Wirosari. Yo pasar kliwonan Wirosari kuwi sing paling gede ono ing  kabupaten grobogan, lan malah-malah ugo paling gede ing tingkat Jawa Tengah. Kanggo mangerteni bab pasar Kliwonan Wirosari, tak aturi maos crito iki.

ANANE PASAR KLIWONAN WIROSARI.
Miturut critane poro sepuh, biyene pasar kewan kuwi dunung ono ing lapangan cilik kulon pasar Wirosari saiki. Sepisanan sing didol ono kono mung wedus, nanging banjur ono sing dol tinuku sapi. Amargo daerah wetan Purwodadi akeh poro petani sing ingon-ingon sapi, mulo papan kono banjur dadi pasar sapi. Kanti anane perkembangan Wirosari dadi kuto, pasar kewan mau banjur dipindah ono dukuh Bandang sak lor Puskesmas Wirosari.
Rikolo tahun 82-nan dening Dinas Pasar kabupaten Grobogan, pasar sapi mau dipindah ono dukuh Kunden Wirosari. Dene alesane, papan kono wis ora nyukupi kanggo dol tinuku sapi. Kejobo kuwi ugo mbutuhke papan panggonan, kanggo adek kantor pasar kewan. Amargo ing dukuh Kunden deso Wirosari ono lemah gege, mulo banjur digunakke kanggo gawe pasar kewan anyar. Pancen pasar kewan sing anyar kuwi luwih ombo, lan biso didekke kantor pasar barang. Ono ngarepe didekke gapuro, dikupengi pager tembok sing kuat.

JENENG PASAR SAPI KLIWONAN.
Wis disebutke ono nduwur, pasar kewan kuwi anane yen wanci pasaran Kliwon. Dadi yen sak liyane pasaran kuwi, yo sepi ora ono dol tinuku kewan. Dene karan pasar sapi kuwi, amargo pasar kasebut akeh-akehe kanggo dol tinuku kewan sapi, senajan yo ono sing podo dol tinuku kebo lan wedus.
Poro pedagang sapi ora mung soko wilayah Grobogan wae, nanging ugo soko daerah Pati, Salatiga lan Blora. Mbiyen sak durunge akeh trek, sapi-sapi soko daerah njaban Wirosari digiring dening "Penggerek" ing wanci bengi, nuju menyang pasar Kliwonan Wirosari. Ono salah sijine sapi sing dipasangi oncor ono ing gulune, kanggo madangi dalan sing dilewati. Pating cleter sworo pecute penggerek, kanggo nggiring sapi-sapine kuwi. Mulo wargo deso sing dilewati, dadi ngerti yen bengi kuwi malem pasaran Kliwon. Nanging sing koyo ngono kuwi saiki wis ora ono meneh, mergo sapi-sapi podo ditumpakke trek.
Pancen ing daerah Purwodadi mengetan, poro wargo podo ingon-ingon sapi. Kanggo nggarap sawah utowo tegalan, podo nggunakke sapi kanggo mbrujul. Mengkono ugo kanggo daerah wetan Purwodadi sing ugo karan daerah garing, pancen cocok yen kanggo ingon-ingon sapi. Dene yen ingon-ingon kebo pancen ora cocok, amargo kewan kasebut butuh banyu kanggo ngedemke awake.
Kosok bali karo pasar kewan Ketitang Godong, sing akeh podo dol tinuku kebo. Daerah kulon Purwodadi pancen akeh banyu, mulo cocok yen kanggo ingon-ingon kebo. Kanggo nggarap sawah lan tegalan, cocok yen nggunakke tenaga kebo. Yo mung anehe, senajan akeh suket nanging yen ingon-ingon sapi koq ora biso lemu.

KEWAN SAPI KANGGO SANGUNE ANAK.
Mbiyen pancen bener, ono ing daerah wetan Purwodadi, kewan sapi kuwi pancen kanggo sangune anak. Ora koq sangu kanggo jajan saben dinane, nanging kanggo sangune anak mbesuk yen wis gede. Saben panen kedelai, poro petani banjur tuku sapi ono pasar Kliwonan Wirosari. Sapi mau banjur diwenehke marang anake, urut wiwit soko anak mbarep nganti tekan ragil. Dene tujuane, biso kanggo ragat sekolah duwur utowo nikah. Dadi saupomo anake mau nikah, sapine banjur didol kanggo nggawekke omah utowo sing karan misah anak.
Dene sing ngopeni sapi-sapi kuwi, poro petani podo duwe pangon. Biasane pangon mau dibayar, kanti coro maro pedet. Pedet sing lair sepisanan dadi duweke pangon, dene pedet nomer loro lagi duweke sing nduwe ngono sak teruse. Kejobo kuwi poro petani ugo isih menehi pangan, lan ugo isih nyandangi pangon kuwi.
Kejobo saben ndino ngaritke suket, pangon ugo kudu ngumpulke damen sak bubare panen pari. Damen dipepe nganti garing, banjur ditumpuk ono ing sisihan omah. Yen wanci ketigo dowo ora ono suket, yo damen garing kuwi sing dipakakke sapi. Supoyo dokoh anggone mangan, damen garing mau dikepyuri banyu uyah. Dadi yen wanci ketigo dowo koq duwe tumpukan damen, pangon lan poro petani banget ayem atine.

Nuwun.

Sejarah Ambrolnya Jembatan Bandang Wirosari tahun 1978

RIWAYAT KRETEK BANDANG WIROSARI GROBOGAN

Www.mapio.net

Oleh : Mbah Bedjo

Kretek Bandang, dununge ono ing kecamatan Wirosari. Kretek mau nggubungke kecamatan Wirosari, nuju menyang kecamatan Sulursari nganti tekan Randublatung Blora. Biyen kretek sing kawak gaweyan Londo, tahun 1978 ambrol nuwuhke korban jiwo cacah loro. Tahun 1980 banjur dibangun meneh dening pemerintah, sing isih ngadek nganti tekan saiki. Banjur kepiye riwayat ambrole kretek kuwi. Ayo tak aturi maos critane iki.

KRETEK BANDANG AMBROL.
Pancen kretek sing dibangun Londo, wektu  kuwi wis nguwatirke banget. Diliwati dokar opo meneh trek, wis kroso mentul-mentul koyo arep coklek kae. Kretek sing ngubungke Wirosari nganti tekan Randublatung kuwi, pancen yo wis wayahe kudu dibangun anyar.
Tahun 1978 wanci jam 10.00 esuk, kretek sing tumumpang ono nduwur kali Lusi kuwi ambrol. Wektu kuwi kali Lusi pinuju banjir gede, peres ngelebi setren sak kiwo tengene. Kretek mau tugel tengah, separo sisih kulon isih gumantung ono cagake.
Miturut katrangan soko wargo sing mangerteni kedadeyane ngandakke, naliko kuwi ono dokar liwat. Sak mburine dokar mau ono trek, sing ngangkut beras arep digowo menyang kuto Purwodadi. Ing tengah-tengahe dokar lan trek, ono piyayi putri sing mlaku nuntun sepedane. Bareng kretek mau ambrol, dokar sak jarane lan truk ngangkut beras kejegur ono tengahing kali, klebu piyayi putri sing nuntun sepeda mau. Kabeh ilang kepuntel banyu kali, kejobo sopir trek sing biso nglangi lan banjur gandulan wit pelem cilik wetan kali. Kabeh sing podo teko mung biso piya-piye, arep tetulung ora wani mergo banjire gede. Dening aparat kepolisian banjur woro-woro, supoyo wargo sing dunung ono pinggiring kali podo nyegat mbok menowo mrangguli jenazah sing keli. 

BU GURU DADI KURBAN.
Soko tutur sing tinular, lagi dingerteni yen piyayi putri kuwi jebul ibu Siti Aminah. Deweke ngono piyayi Wirosari, sing mulang sekolah Taman Kanak-kanak ing deso Kalirejo. Akeh sing podo ngerti, naliko ibu Siti Aminah mau kondur soko mulang. Mengkono ugo soko kluwargo ugo ngyakinake, yen piyayi putri sing katut dadi kurban kuwi ibu Siti Aminah.
Bareng rong ndino sakwise banjir sudo, lagi biso ditemokke truk sing adohe satus meter sak kidule kretek kono. Ugo patang kilo meter soko papan kono, ditemokke dokar sak jarane. Dene sak banjure lagi biso ditemokke kusir dokar lan ibu Siti Aminah, sing keli nganti meh tekan ing wilayah kabupaten Kudus.

KRETEK SITI AMINAH.
Kanti jebole kretek Bandang kuwi, hubungan soko Wirosari nuju Kuwu utowo Sulursari dadi pedot. Saupomo arep ngangkut barang soko Purwodadi nuju Kuwu, kudu lewat kecamatan Pulokulon sing dalane rusak banget. Yen arep menyang Kuwu numpak sepeda motor, biso lewat kretek sepur ono deso Pengkol Wirosari. Nanging sak durunge kudu takon halte Pengkol, bakal ono sepur lewat opo ora. Pancen yo kudu duwe kekendelan, amargo kudu nguwot bantalan ril lan kudu ngepaske ban sepeda motor ono sak nduwure ril.
Sesasi sakwise kuwi, wargo Bandang lan Kalirejo podo gawe getek soko papan sing ditumpangke ono nduwur prau loro. Kanggo njogo supoyo getek ora keli, diwenehi tali sing dipentang soko pinggir wetan nganti kulon. Kanti anane getek kuwi, wargo lan sepeda motor biso nyabrang kali Lusi kuwi kanti mbayar.
Lagi tahun 80-an kretek anyar wiwit dibangun, kanti bentuk cagak cor lan kerangka soko baja. Kejobo dibangun luwih kuwat, kretek mau ugo digawe luwih ombo. Bareng wis dadi, kretek mau banjur diwenehi jeneng "Jembatan Siti Aminah".

KUBURAN PEGAT NJALUK KURBAN.
Kuburan pegat kuwi, dununge ono sak wetane kretek Bandang kono. Karan kuburan pegat, mergo kuburan mau kebagi loro dening dalan gede. Wiwit mbiyen akeh sing ngandakke, yen ing kubur kuwi kerep ono goda. Dene sing tau diweruhi ngandakkke, yen goda mau wujut pocongan utowo kuntilanak. Mulo kanti kuwi akeh wargo sing ngandakke, yen ambrole kretek mergo kuburan pegat njaluk korban.
Nanging bab kuwi ora perlu dipercoyo, mergo sing bener kretek kuwi pancen yo wis tuwo lan njaluk dibangun anyar.

Nuwun.

Penutupan Jalan Purwodadi Semarang

HIMBAUAN Pemberitahuan Rencana penutupan Sementara Jalan  Purwodadi Semarang tersebut disampaikan oleh Kapolres Mranggen, Demak. 

Penutupan jalan dijadwalkan pada besok
Hari/tanggal : Rabu, 21 maret 2018
Pukul              : 08.30 s.d 09.30 wib

Jalan perlintasan rel Kereta Api ganefo Mranggen Demak akan di tutup total, untuk sementara waktu dari dua arah, dikarenakan dari PT. KAI DAOPS IV Stasiun Brumbung akan mengganti rel KA perlintasan sebelah barat dengan rel yang baru.

Dan kepada pengendara yang akan melintas diharapkan  mencari jalur alternatif lain.

Dibawah ini jalur jalur yang bisa digunakan.

1. Kendaraan sepeda motor / mobil kecil agar melewati:

a. Dari Arah timur (Purwodadi) : Melewati RRI kuripan keselatan- wonosekar kebarat sumberejo - kangkung - pertigaan kauman mranggen arahke semarang.

b. Dari Arah barat (Semarang) : pasar sepeda mranggen ke utara - perempatan pasar waru kekanan - pertigaan tumpi ke kanan - perempatan pasar karangawen arah purwodadi.

2. Kendaraan besar (truk tronton, bus besar, truk muatan barang) agar melewati :

1. Dari arah barat (Semarang) : pertigaan pedurungan kekiri - bangetayu - pertigaan genuk arah pantura demak.

2. Dari arah timur (Purwodadi) : pertigaan godong purwodadi - dempet - masuk jalur lingkar demak pantura.